كلمات البنت السحاويه
✍️ كلمات: فايز عدينان اليامي
ياندى الغيم يافل معى كادي
ياشذى الورد يالبنت السحاويه
ان ضحكتي يسيل من الحيا وادي
وإن ظهر وجهش الدنيا ضحاويه
والله انش نهشتي ثومة فوادي
عاشقش كيف تتحقق مناويه
طير ياللي على غصن الغلا شادي
كل صبح تغني لي غناويه
تسمع بيوت شعري ولتوجادي
كل مامرني ذكره وطاريه
كنها البدر في ليل الدجى بادي
وأسود الشعر يسرق من لياليه
ذعذع بريح كمبوده وجاويه
كل مالاح برقه حن رعادي
أعشق إقبالته وأكره مساريه
اشهد إن غيبتش يابنت الأجوادي
نارها في الضلوع العوج مخفيه
لي ولش ياهيام العاشق منادي
بحر الأشواق يدعيش لموانيه
اسمعيني بحق الملح والزادي
الجفا يوجع قلوب الهواويه
يوم أنا شف بالش وانتي مرادي
مدي كفوف وصلش لي علانيه