كلمات فمان الله

يامملوح الكلام اللي بصدرك في العيون اقراه
اشوف البعد في وجهك خذا رسمه وتلوينه
اعرف الساكت اللي نظرة عيونه تقول حكاه
يرد لسانه من البوح لكن تفضحه عينه
حبيبي دامك معزم على الفرقى فمان الله
عسى الله مايعرض خطوتك للعرضه الشينه
واذا خوفك على اللي وسط صدري خلني وانساه
عليه الله وامانه من عيون الحسد ويدينه

عليه اقبض بكفي كني القابض على دينه
امان المستريب الداجي اللي غايبه قمراه
ولو كانت مصابيح السماء في جيدها
مغاليق الصدور يحصل الحاير بها منجاه
عليها من ظلام الليل حفظ علوم سارينه
هنا سرك في بير ناشف دلوه على مسقاه
هذا اول بير لايمكن يبل كبود راوينه
حبيبك لو يموت من الغبن مايعرفون اقصاه
ما تدري قلت له ولا نسى الموضوع من حينه
ضميره لو نشد عقله وش اللي فيه قال عفاه
لو يمينه تجسس في الحنايا يقطع يمينه

شجاع تنتزع روحه ولايعتق مساجينه
يموت السر في سور الضلوع ويندفن وياه
ولايمكن يسولف فيه حتى بينه و بينه