كلمات حربة المداريه

برق القصيد اللي مثل جمع الغثير
اليا اشتعل براقه ودن رعده
قام يتمزع كنه الغيث الغزيز
لا قام يضرب جرهد البيد برده
اليا ضربت مسامع الجمع الغفير
الشايب ترده على عمر ولده
وشلون عاد اليا نصت زبن الجوير
ولد الحصان اللي يبشر بسعده

من الكرم والجود ماشحت يده
عود على ربعه يزيد الخير خير
مافي لا قبله ولا فيه بعده
وجدك حمود متيه الملحا النظير
وفي كل دار لابغتها تبجده
فعله لحاله يحتمي بنت البعير
وتخض نجد مصدره ومورده
وصالح حزامي شذرة السيف الشطير
نار على الشم النوايف موقده
هذا ابن عمي لو يصير اللي يصير
فيه الخوي يشوف عزه وسنده

وبالمرجله مافتر عزمه وجهده
راس يروم العز في اليوم العسير
كل ماكبر حمل على الربع هبده
اسمك يابن سبتان فوق وغير غير
الله يلعن من يبور ويجحده
فعلك يشوفه يابن سبتان الضرير
ويفك قيد اللي يديه مقيده
من لاد شالح ربعي ان صاح النذير
قومن على العدوان نار موصده
هم حربة المداريه ومن لاخير
قبيلة بامجادها متفرده
ضرباتنا في كبد شيخ وراس امير
وطعناتنا لها على الكبد لهده
والوقت لو حمله كبر حرة مطير
حنا الحمل يشتاله الرجل بيده
ووقفاتنا تفرق عشير عن عشير
والله ماجتنا بارده ومبرده