كلمات يوم الجمعة

أنا كل يوم جمعة بتمشى للجامع
و معايا جار دايما يقابلني في الشارع
إنسان بسيط طيب و بيقول كلام طيب
بعد ما نصلي يصاحبني و أنا راجع
و في يوم مجاش صلى مجاش مقابلتهوش
و فضلت أدور في الملامح و الوشوش

فجأة كده حسيت إني قلقت عليه
دخلت شارع بيته سألت جاره عليه
لقيته ميعرفوش لكنه كتر خيره ساعدني اوصل ليه
إنا كل يوم جمعة بتمشى للجامع
و معايا جار دايما يقابلني ڤي الشارع
إنسان بسيط طيب و بيقول كلام طيب
بعد ما نصلي يصاحبني و إنا راجع
دخلت لقيته نايم مريض عايش لوحده

جاره وقف على الباب واضح انه اتكسف
قاله اتفضل دخل حزين في عنيه أسف
قدم له اعتذاره و اطمنا عليه
و انا ماشي وعدني جاره انه هيهتم بيه
شكرته اعتذر لي شكرني إني جيت
أتاري جاره كان ساكن في نفس البيت
عايشين في بيت واحد و الباب قصاد الباب
جمعتهم الأقدار لكنهم أغراب