كلمات كثر الله

كثر الله الف خيري قلبي للحين يهواك
انت تدري لو هو غيري كان ياعمي ناسيك
انت واحد همه نفسه عمري ضيعته وياك
همي حبك وهمك انت جرحي بس الله يهديك
ويل قلبي حبك واخلص ولا همك عناه
جرحك الي هد قلبي وانت في يدك دواه

شف دموعي فوق خدي كل ما حل طرياك
وانت لاهي عني ساهي وانا ساكت واداريك
شالي تطلب مني اكثر كل ما تطلبه جاك
غير عمري غير روحي وش تبي قلي واعطيك
اه منك مادرى قلبك عن الشوق وبلاه
كل ليلة يمر طيفك وانا بس اركض وراه

انا احبك بس خايف بكرة اتمنى فرقاك
من سواتك من جروحك بكرة يمكني ما ابيك
خاف ربك في عذابي حافي امشي على اشواك
لي متى بس بتحمل حن لي والي يخليك
لا تضيع حبنا وتقطع امل قلبي ورجاه
تكفى نرجع مثل الاول ياخلف عمري وهواه