كلمات فزعة الضايق

البارحه والضيق في صدري يلوج
لوج الخلوج اللي من الذود تغدي
حنينها يسري مع اوساع الفجوج
على حوار راح للعاوي هدي
اونستها والليل غباته تموج
وسدتها فكري و سلمت جهدي
وأبطيت ابرق بالوجيه وبالهروج
لو الزمن ضايع والايام تعدي

واعطوني البرهان والعلم المدي
و عدو لنا فرق الرجال من العلوج
ف الماقف اللي ما يبين به ردي
لا ضاقت البيدا وطاحن البروج
وفلتت حبال الحل من راحة يدي
قام يتتقى الذل بالصوت الزعوج
وغيب عن المشهد ووقفت وحدي
هلابها شيخ له العالم تفوج
هذا الذي ينقال ذخري وسعدي
لا كثرت الاريا فله راي فلوج
وان ضاعت الهقوة فعينت سندي

وراس على الهيه يطاوله الجدي
لا صتكت الدنيا فله علم يبوج
في ساعة فيها يضيع المهتدي
من ترثت السعدون متعبت السروج
غذاية اليتمان و العلم الندي
ومغامس اللي قادها شلفا و فوج
وسلطان اخو فرجه كعام المعتدي
اكفخ يبو راكان و السمعه تروج
ذي ورثتن لك ما هي تجي لك ودي
يقصر مقام القول والوصف اللهوج
يا فزعة اللي جاك ضايق ومحدي
لابد ما نفرق من العذب الهموج
ونقول قول الحق من قبل نغدي
ما عاد فالدعوة مجامل و محروج
ولا هو بكل من ضاع يذبح له فدي
صكات بقعا كل ليل وهي تدوج
ياقف لها اللي مثل راسك يا بعدي