كلمات لو هجرك طوِّل

لو هجرك طوِّل والقلب نسيته لأشواقه
هنساك وأتْحوِّل وأسيب الفكر لعشاقه
لو هجرك طوِّل لو هجرك طوِّل
أيام وليالي بتعيش في خيالي
وأكلم طيفك
والدمع في عيني ما بقاش يواسيني
وأشتاقت أشوفك
والشوق حيرني ....حيرني
وجفاك سهرني... سهرني
وهواك في الأوِّل كان ورد
ودبلت أوراقه
ونويت أتحوِّل وأسيب الفكر لعشاقه
لو هجرك طوِّل لو هجرك طوِّل
ليه أقضي العُمر من غير ما أتهنى
وأنوح وأحتار
دا الكاس المُر يخلِّي الجنة تتبدل
تتبدل نار
والنار وقاسيتها وآلامي داريتها
وهواك في الأوِّل كان ورد
ودِبْلت أوراقه
ونويت أتحوِّل وأسيب الفكر لعشاقه
لو هجرك طوِّل لو هجرك طوِّل
ضيعت سنين من عمري حنين
وإنت... وإنت ملوعني
والعمر ساعات لوفات في آهــات
إيه راح ينفعني . إيــه راح ينفعني
لا آهاتي هتنفع ولا دمعي هيشفع
وهواك في الأوِّل كان ورد
ودِبْلت أوراقه
ونويت أتحوِّل وأسيب الفكر لعشاقه
لو هجرك طوِّل لو هجرك طوِّل