كلمات مثل الجبل

لا تختبر صبري مدامي لك محب
شامخ مثل راس الجبل في منتهاه

شفني مثل بدرن تعدا ع السحب
يوم الليالي المظلمه تطلب ضياه

اقبل على قلبي وانا قلبي رحب
ما ينتهي حبه ولا يوقف صداه

الله وهبني من العشق ما لا وهب
اغلب ملوك الارض من ظلم الطغاه

فاذا كسبت من الحياه اكسب ذهب
و اخسر ما تبغى فالحياه الا الحياه

وانا عشقت وعشقي الليله صعب
عشق الاصيل اللي تمجد في سماه

وخذني سما وارمي على كفي العتب
لا تستهين بظل من ظله نجاه

دام الحياه دروب بمشي لك درب
انا العزيز اللي لقى فيك الحياه