كلمات وليفي لـ

أنا لا جيت بنشد عنك إلا من مرني مرار
أجيب السالفة ياللي عليكم تجذب السيرة

أخاتل كل شيٍ منك وأنا سامح ولك أعذار
غيابك شي مالك فيه ولا لك في تدابيره

صواديف الزمن جتنا تناوبنا مع الأقدار
وأنا مؤمن وهو ربّي يجيب الشي لك خيرة

غيابك لو غدا كنه يلاعبني على التيّار
بحور الراي من موجه تبعدني تفاكيره

ولكنّه معي دايم وله في خافقي تذكار
كثير الناس في عيني ولكن ما بغت غيره

أنا مؤمن وأنا صادق وأنا لي في صفوف أحرار
وأنا لي مبدًا دايم تحكمني معاييره

أنا مثل الذي كنه خطو في حقه الخطّار
ولا له غير في صبره إلا يالله بالخيّرة

تحكمني ملازيمي أعز الجار تلو الجار
سلومٍ عندنا تعطي قليل العرف والسيرة

وإلا يامن غدا طيفه يزاحمني مع الزوار
طيوفك بد هالعالم لها في خافقي جيرة

وحنّا لو تباعدنا أشوفك دايمًا وامرار
وليفي دايمًا عندي على عيني تصاويره

أنا قلبي غدا كنه مثل دلّة طرفها نار
مشاهيب الجمر تلحق وتلهبني مساعيره

وأنا قلبي غدا كنه مثل شايب إلا من ثار
أهم شي في عينه تشوف أغلا مغاتيره

وليفي لو درى عني وعن شيٍ عليه صار
أنا بحلف على الذمّة يهز الكون تأثيره

بعيد الدار لكنّه بنا في خافقي له دار
وأنا له وافي وصادق ولو تبعد مشاويره

أنا غنيت من مابي وحسّت بي جبال ظفار
يحس الشي لي منك وخصّ إن كان بالدّيرة

وأنا في نجدي الوافي عليكم من سلام أخيار
سلامٍ يوصل الغالي يرد العلم تبشيره

شيلة وليفي – محمد ال دلبج
Waleefi – Mohammed Al Delbij

المزيد من أغاني محمد ال دلبج
انوح عامين