كلمات نسيتوها

نسيتوها محبتنا عجب وشلون تنسوها
رحلتوا عن هوى العشره ولا لحظه تذكرتوا
رغم كل الوفا منا خواطرنا كسرتوها
حبايبنا وش اللي صار عجب والله وتغيرتوا
جرحتوها مشاعرنا بعد ما انتوا سقيتوها
بعد كل التواضع هم علينا كم تكبرتوا
ولا حتى طرت في بالكم ايام عشتوها
معانا والهوى يشهد حبايب لو تنكرتوا

نسيتوا كل امانينا تكابرتوا وهدمتوها
ولا مره تخيلتوا تعبنا او تصورتوا
وطت اقدامكم عالعاطفه من ثم جهلتوها
خساره كل هالعشره تضيع ولا تاثرتوا
وهبناكم محبتنا اسف والله خسرتوها
تلاشت وش يفيد الحين لو حتى تحسرتوا
زرعنا من الفرح ورده باياديكم ذبحتوها
كفايه منكم شفنا عرفنا كم تحجرتوا
رجانا بس وصيتنا ابد لا لا تردوها
تناسوا كل محبتنا اذا مره تذكرتوا