كلمات باب السوق

انا اللي حدني يوم اتهيض والعب الطاروق
سبايب من دخل قلبي واخذ عقلي وقفابه
غزال جيت بالصدفه وشفته عند باب السوق
ولا ياليت يوم جابني لسوق ماجابه
ترقبته وانا ماخذت من علمه ولا منطوق
مغير النظره اللي جابت اقصايه من اسبابه
وش اوصف من اوصافه وش اخلي عداه العوق
جماله فوق توصيف الجمال اللي يحلابه

يجي زينه مثل زين الجمال اللي تروابه
تعرض لي ودخلني متاهات الهوى والشوق
ومن نظره تمكن في صميم القلب مضرابه
لكن اقول والشكوى على رب الخلايق فوق
انا لو بشتكي مدري على من اتشكوابه
ألا ياليت للعشاق قاضي محكمه وحقوق
وتستقبل دعاويهم ويعط الحق طلابه
ويحكم لي على السارق يرجع عقلي المسروق
ويربطنا على السنه وشرع الله وكتابه