كلمات يا نور سود الليالي

يا نور سود الليالي
انت بعيوني مجره

ليت الليالي طوالي
دام بدجا الليل دره

والقلب طربان سالي
مافيه شين يحره

ياليت حبل الوصالي
ماينقطع عنك مره

الوصف فوق الخيالي
فوق السحايب مقره

ثقل ودلال وجمالي
يالله عسى لا تضره

اشغلت فكري وبالي
واشعلت فالقلب حره

ارخصتلك كل غالي
والكون لك عشر ذره

حتى لو انك قبالي
لشواق لك مستمره

انت الامل والمنى لي
وانت الفرح والمسره

وان رحت يا وجد حالي
فرقاك يا زين مره

يانور سود اليالي
انت بعيوني مجره