كلمات انا مش زعلان

انا مش زعلان
ولا اعرف ياس
وشايل الحزن من بالي
حطام انسان عايشها وبس
ب اعد ايام وباقيالي
ما انا اللي جنيت على روحي
واخرتها بلوم روحي
في وسط النار رميت روحي
وفكرت الرخيص غالي
ما هوش بالسهل افضل
عايش كده على جرحي
وكل جروحي بتيجي م الاهل
ما هوش بالسهل
لما الغرب يطيبوا جرحي
وابقى كاني عدمت الاهل
كله بيضرب عالمداري
بكلام زي السم الهاري
ولازم اقول حاضر اجباري
واحايل ناس صعبه ومش سهل
كله بيلعب علي اعصابي
برصيد هم جديد ف حسابي
وقت الفرح ماعملوا حسابي
اللي فاكرهم صحبه واهل
وانا اللي قولت هاتيجوا يوم وتحسوا بيا
زرعت حب طرح لي نار ف قلوب غبيه
نسيتوا مين بيموت يوماتي عشان تعيشوا
ولما جيت احتاجتكم بتذلوا فيا
الريح عاكسني ما حد شالني ف شدتي
فايت عليكو ما حد بص في خلقتي
يرحم زمان الكل كان بيقول لي هات
لعبت معاكم ماشوفت واحد ناحيتي