كلمات اغنيلك

اغنيلك من الضيقه واغنيلك من الاحزان
اغنيلك وانا ودي من الضيقه تغنيني

سالك اللي يبي ودك ولا يقدر على النسيان
حبيبي ليه هالدمعه على بعدك تخاويني

نبضتك والغلا كنه يعيش بداخلي انسان
احسك من شقا عمري ولا اشوفك تراعيني

احبك وانت في قلبي وتمشي داخل الشريان
واحبك لو تغيب الشمس تبقى شمسي بعيني

عجز صوتي يناديلك وشوفك من ورا الهجران
نويت اتحطم اجدار الغلا مابينك وبيني

تعاتبني عيون الناس وما تدري عن اللي كان
وما تدري بانك غير واجمل عمر بسنيني

تاكد بينك وبين البشر في نظرتي شتان
ولا مثلك ولا بعدك حبيبي شي يغنيني

حرام انك تخليني على ذاك الامل ولهان
وانا فيني من غيابك شجونن ما تخليني

تعبت القا على ذاك الوصل مابيننا عنوان
يتوه الدرب قدامي وانا اشوفك عناويني

اعانق من جفا بعدك همومنن مالها كتمان
بكيتك دم من عيني وحضنتك جرح بيديني

انا ودي تجي كلك بعد غيبه وبعد حرمان
تجي تهدم جروحن من غيابك ساكنه فيني

تعال ومابقا مني على كثر الامل اغصان
ابي اسمع صدى صوتك قبل مارحل تناديني