كلمات عاللالا
✍️ كلمات: ايفان نصوح
🎼 ألحان: ايفان نصوح
عاللالا
هي العيون ما خلقت تتبكي
وهي الخدود بتلبق بس للضحكه
وهي الكتاف الله عطاني ياها
حتى راسك عليها تتكي
مدللتي مين اللي بزعلا
يا سواد ليلوا اللي بيعملا
الحساسه الرقيقه والحنونه
لعيونا هالدنيي بزلزلا
عاللالا ولالا هيدي كرمالا
بهد الدنيي واللي فيها
واللي بيخطر عبالوا يترحم عحالوا
يضايقها او يحكيها
هي بنت قلبي انا
عالحنيه مربيا
غزالي مسميها عاسمي
بنسى الدنيي لما بشوفا مبتسمي
فعليا عم تمشي بشراييني
وحبا تخاوى مع زمره دمي
هيدي البنت نقطه ضعفي دموعا
اوعى منكن حدا يزعلها اوعى
مدللتي بتطلب روحي بتاخدها
بتمون وكلمتها مسموعه
عاللالا ولالا هيدي كرمالا
بهد الدنيي واللي فيها
واللي بيخطر عبالوا يترحم عحالوا
يضايقها او يحكيها
هي بنت قلبي انا
عالحنيه مربيا