كلمات انتي غير

كل مقام له مقال و فيك يا بنت الاصول
لازم اتصير القصايد غير لنك انتي غير
يلي حسنك لو تراه الشمس يغشاها الذهول
والقمر لو ماهو شاعر لجل عيناك بيصير

انتي غير ومن غلاك ان جيتي يالعف الخجول
كيف ما نفرش لخطوة رجلك الدنيا حرير
وانتي اسم لا اكتبوه امن الفخامة والقبول
الورق يصبح مدينة والقلم يمشي امير

يا هلا بك وان لفيتي ناعمة قد و طول
وبعيون ناعسات و وجه اصفى من الغدير
بك تفاصيل الملامح كنها يا مريم تقول
يسعد الله هالجمال الراقي الترف المثير

وش على زينك يا مريم لو به احتارت عقول
وش على طيب امعناك ان صار كل قلب اسير
وانتي كلك يااختصار الزين لي شرحه يطول
حاجة بين الممكن اللي مستحيل انه يصير

اقبلي يا بنت ابوها و خلفك امجاد و خيول
ي اجمل اشعار ابو راشد ياسنا البدر المنير
الف سبحان اللي صور ويا صلاته ع الرسول
يا شبية هند و ضي عيونها و حبها الكبير

يسعدك ربي ب خالد نسل وافين الاصول
اللي يستاهل غلاك العذب وبحبك جدير
الشهم سمح المحيا يللي نظراته تقول
انك بقلبه يا مريم حب و لعينه نظير

يا عسى الافراح تملا عمركم عرض وطول
في حياة بالسعادة مقبله بحب و خير
عد نجمات السما وما جادت الغيمة هطول
و عدما صلو الخلايق ع النبي الهادي البشير