كلمات خمرة عيونها

أنا زي طير و تاه
لكن العينين دليل
كأن قلبي هام
في الرحلة و في السبيل

كأن عيونها خمرة
و أنا تايب علي الطريق
أعراض إنسحابي منها
زي موتي بالبطئ

يا رحلة آخرها جنة
و في حبك أنا العاصي
لكن القلب تايب
ذنبي إنتي و ناسي

يا رحلة توهت فيها
حابب عينيكي حب
كطفل يتيم ملوش
واخدك ليه كأم

خمرة عيونها تسطل
كأن عينيها تسكر
عشان حبيبتي رحلة
و أنا واد غلبان بيرسم

خمرة عيونها تسطل
كأن عينيها بحر
و قلبي زي مركب
و بوصلة قلبي صبر

أنا واد غلبان في حبك
بشحت عينيكي حب
أنا واد غلبان في حبك
يا رحلة ماليها حب

بصرخ و صوتي سافر
من مصر لحد تونس
بكتب في عينيكي أسافر
يا أحلي من في تونس

عشان في عينيكي رحلة
تاخدني بعيد أهاجر
عشان زي وردة
في جمالك أقول و قادر

حبيبتي عينها خمرة
نظرة عينيها سُكر
لكن في حبي ليها
الخمرة علاج و صبر