كلمات من بلدي

من بلدي بوصل سلاماتي
لحبيبي اللي وهبته حياتي
وعشانى اتغرب والغربة
بسببها اتقلبت حساباتي

من بلدي باقوله توحشني
وهتفضل دايما توحشني
وبرغم الايام الصعبة
بادعيلك ياحبيبي يوماتي

وباقوله اشتقت لحكاوينا
وسهرنا وليلنا واغانيينا
وكلام للصبح بيجمعنا

وباقوله اشتقت لضحكتنا
على موقف حلو في سكتنا
قبل الحكايات ما تودعنا
من بلدي بوصل سلاماتي
لحبيبي اللي وهبته حياتي
وعشاني اتغرب والغربة
بسببها اتقلبت حساباتي

من بلدي با صبح ع الغالي
اللى مايعرفش اني بقالي
اكتر من شهر باجيب سيرته
مع صورته عشان يرتاح بالى

من بلدي باقوله ارجع ليا
فرحني الايام الجاية
وحياة الليل اللي سهرته
لو تقدر ترجع قولهالي