كلمات ميامي
شهر تمانية داخل واحنا في الفين و خمسة
عندي تمن سنين والصيف فاضله لمسة
ابويا خدنا بالعربية في عز النور
مش عارف رايحين فين بس مبهور
عدينا بوابات .. بعد في الساعات
شيلت شنطة تقيلة طلعتها و من سكات
لبست مايوه، نضارة مياة و عوامات
دخلنا شط ميامي شايلين سندوتشات
ميامي بلبطة .. ميامي فرهدة
ميامي مياة صافية
ميامي البساطة
هنموت مالجوع رجعنا عملنا بانيه و مكرونة
خدت طبقي بسرعة طلعت عالبلكونة
من بعيد ببص خطفتني عينها
اول مرة اشوف ملاك ماسك بلونة
بنيت في دماغي قصة حب و عيشتها
بقيت اقوم من النوم احاول ارسم وشها
ليلتين في المصيف ضاعوا في حبها
و رجعنا من هناك برضو معرفتش اسمها
ميامي بلبطة .. ميامي فرهدة
ميامي مياة صافية
ميامي البساطة