كلمات ما فيك حيله

ما تبعدك عني مسافات وحدود
اجيك عاني و المراحل طويله
لو كان دونك يالغلا جيش وجنود
خلف الخيال وشوفتك مستحيله

دونك ولاكني مع الناس موجود
ودي بشوفك لو دقايق قليله
تسوى مدن نظره من عيونك السود
من شاف زينك قال مافيك حيله

مصيون حبك عن مواشين وحسود
لو طاح من عيني خفوقي يشيله
العمر واحد والزمن درب ممدود
و انته ملكت العمر صبحه وليله

يا حب غالي له مواثيق وعهود
حتى الجبال الشامخه تنحني له
ما تنقصه الايام من زود في زود
غالي ولا نرضى بغالي بديله