كلمات فضيعه

البيوت اللي هجوسي وردتها
في الهنوف اللي وصايفها فضيعه
عن بنات الجيل تفرق ماركتها
العذارى صابهن منها فجيعه
جل قدرة ربي اللي صورتها
مفرع ذباح وعيون وسيعه
العيون اللي ماترحم سلهمتها
بينها وبينك مثل حرب الوديعه

والمجالس موتته قامة تذيعه
والنحر براق مزن ولعتها
بارقه يجذبك يوم اول ربيعه
استهلت والاودم خايلتها
سيلها جراح والبارق وليعه
القمر كنك تشوفه في طخمتها
يسري الساري معه فاول طليعه
تاخذ من الريم في دق ارقبتها
تجفل من الصوت من ربي طبيعه
كل ماوحت صوت زادة في جفلتها
حافها الرماي في دار قطيعه

ثقلها الخلفي على نحفه يطيعه
والردوف اللي مع الناس احرجتها
لا مشت تمشي وخطوتها سريعه
تلفت الانظار والناس اشغلتها
ماتقول الا عساكم للقطيعه
كل ماقامت عبايتها اطرقتها
طرق ثوب الخام عند اللي يبيعه