كلمات يا داعج العين

يا داعج العين والحيات مقرونة
والخد براق ليل في الدجى التالي
فيك الحلاوة والجمال اللي يحيدونه
وتحوز عن جملة الارام ياغالي

محبتك داخلية في القلب مضمونة
ولا بد اصبر على مكنون غربالي
والقلب منك العواذل لو يعذلونه
مايستمع عذل من جا عنك عذالي
لو للهوى شرع في تحكيم قانونه
ماكنت مظلوم في تعذيبي ونكالي

شوفك يعالج جروح القلب وطعونه
والموت ياصاح من تعذيبك اشوالي
راعي جديل سبيب كاسي امتونه
متعثكل فوق متني ردفه العالي
العين عين اشقر للصيد مضمونه
مطلوب مرغوب لو كان الثمن غالي

والخد جنديل يسني من سنا لونه
مشراق ضي يشابه نور لهلالي
مبعد خلاوي عن اللي هم يرودونه
يتعب ودونه نزو المبعد الخالي
لي يال طاريك همت بروح مشطونه
عليك واصفج ابراحة كفي الخالي

مثل الذي هام بصحرى مايدلونه
عليه منها زريج ابزوم شلالي
ياناس خلوه المشتاق لا تلومونه
ما كان ينلام من مثلي على حالي
ياناس خلوه المشتاق لا تلومونه
ما كان ينلام من مثلي على حالي