كلمات بندقية جيلبوت

ابشرو بالرمز وعلم الحيا ذكره يبين
يوم للمحفل تحدي وشوطه ولموا
حضرو من كل نادر مسما له يقين
له على السبق التزامه وباسمه حكمو
يأهل الظفره ترا الركض له مترقبين
وحن على الموعد حضرنا ولركض اعزمو
يحتمي التصريح راس عزومه ما تلين
خالي اللي قال بالفأل ابشر وابسمو

لجل اروح به مراويح ديم له ضمو
اشقر مفنود يسرق عيون المعجبين
مثل مايسرق شعاره عيون اللي زموا
روح اللي فيه نبه ومن وحاشه ذهين
أجفل من العفري اللي خطوها من رمو
سار في الغاره مأخر وشوطه مسرعين
يختل مقدم الاوايل ويكحل من عمو
واستلم بـ رهوه وهد من كيلو اثنين
هدة البندق لاثارت حميه لـ ازهمو
مندفع والشوط حرك ع ظغطه لـ وين
واحترك من قو سده ومن باسه همو

فارق وكنه يتهايق على رمزه حمو
وانتهى يفرد جناحيه قبل الواصلين
جيلبوت وبندق النصر باسمه عممو
صانه بـ خبرة مضمر وتخطيط فطين
وقبله العود المسما لـ ضمره أبصمو
ارفع البندق يا عامر ورايتها اليمين
يكفي ان البندقيه من يدين السمو
يوم صفق لك ولد زايد وطق اليدين
صفق لنا المجد بالفوز ولنا سلمو
بندق فيها الذهب نقش وحنا قانصين
فوز يشوق المنصه ونصر له حمو