يجيبك الله يا كثير القطاعه ياللي جمالك زايد ٍ فوق حده يجيك يوم الود ويفرد شراعه والموج الأزرق ينتهي بزود مده يا واحد ٍ قد هالني في طباعه ضيع وجودي بين وصله وصده لا هو قبل حبي بذوق وقناعه ولا هو تخلى وباب العتاب رده مزيون توه في بكور اليفاعه في وجنته مليون ورده وورده منك القمر في الليل يسرق شعاعه والشمس تشرق من ورا صبح خده يا اهل الهوى من ذاق ما ذقت ساعه في عشرة المزيون عاف الموده لو طاعني بقول سمع ٍ وطاعه وان ماحصل يمي زمانه يرده