كلمات شبه الناس (من مسلسل اللون الأزرق)
أنا شبه الناس اللي أنا منهم
ما بحسش بالوحدة ما بينهم
هما اللي غيابي يخوفهم
هما اللي وجودي يطمنهم
أنا شبه الناس
بخسر وأكسب بضحك وأزعل برتاح وأتعب
وبثور وأغضب وأسكت وأهدى
بقوى وبضعف وأغلب وأغلب
بختي قليل بس ما بطلتش أتخيل
وأحلم بشوية نور لما الدنيا تليل
وأقلب طفل وبقلب عيل وقت الفرحة
مين ده اللي يجي له قلبي ويسرق فرحة عيل؟
أنا شبه الناس زي بيوتهم
دائمًا تتحامى في شوارعهم
ومفيش حد بيسمع صوتهم
لو كان وجع الدنيا وجعهم
أنا شبه الناس والناس مني
هما وأنا حالنا من بعضه
كانوا طول الوقت مقاسميني
في امبارح وفي بكرة وبعده
بختي قليل بس ما بطلتش أتخيل
وأحلم بشوية نور لما الدنيا تليل
وأقلب طفل وبقلب عيل وقت الفرحة
مين ده اللي يجي له قلبي ويسرق فرحة عيل؟