كلمات غدار
من غير ولا كلمة عيون مفتوحة وشايفة قيود الذل
من غير ولا غنوة صوتنا مكتوم بس هيوصل للكل
في زمننا الزمن (غدار)
لازم تنكوي (بالنار)
اكيد محتار ما بين الخير والشر ولا قادر تختار
مخك وقف قلبك عطل ولا حاسس بالمكان
قلبك ميت شايل سيفك وكمان فاكر انك ملاك
سبحانه مين نجاك؟ وحماك من نار الهلاك
رافض اي نصيحة تجيلك مقتنع انك فتاك
قولنا نحكي فكر تعادي مش هتفادي
لازم يوم هتبكي لأن كلامنا في التراكات مش عادي
عايزك لغضبنا تفادي تخسر لو كنت البادي
بحر موجه عالي مش دايماً مش دايماً هادي
مسير مش مخير
اصل الفكر لازم يتغير
نظرة شر في كل مكان
فاكر الخير عمره قصير
حاسس انك مظلوم
ومفيش حد عليك بيلوم
ماسك سلاح من غير حديد
وصلت للجنون
قالوا غلط عليا
حقوقي دايماً منسية
خلينا ماشيين في الخير
بنتحاسب بالنية
بيقولي ابعد عني
سألت ع السلاح قالك دا فني
هفضل اغني في صغر سني
منك مش هاممني
اتعلمت من كتير ان الفن مش كعبلة
نصيحة قالهالي في يوم بلاش (تكتب هرتلة)
رديت وقولت آمين احنا وراك ماشيين
هتروح شمال، هتروح يمين على طول متجمعين
اهلاً بيك في ارض الملوك اسكندر اكبر
عليك تقدر ناسها انت كمان هتتقدر
انا مش مسؤول لو فكرت في يوم تستكبر
قولتلك اسمع وافهمنا آن الاوان تفكر
قولنا نحكي فكر تعادي مش هتفادي
لازم يوم هتبكي لأن كلامنا في التراكات مش عادي
عايزك لغضبنا تفادي تخسر لو كنت البادي
بحر موجه عالي مش دايماً مش دايماً هادي