كلمات ذابحني جمالك

شفت الجمال ف بعض الوجوه له ذوق

الله يلي ذابحني جمالك

و شيّ من المشاعر تسرق حقوق و حقوق

و إنت خذيت حقوق لكن حلالك

خزيتني ب عينك و نشفت العروق

و ضيعت في دربي جميع المسالك

تميت أخايل ف السما و النظر فوق

سبحان ربي كملك في جمالك

إن شفت في خدك مثل لض البروق

و إن شفت في عينك بحور و مهالك

أسرح معاهن لو إني ف يولة السوق

مرفوق ما تنظر عيوني بدالك

العنق عنق الريم و مزهّي الطوق

لايق عليك و كل جوك صفا لك

سابق حشيمه مول ما ييت مسبوق

يعل الفرح و السعد كل يوم فالك

على عدود الود تتزاحم النوق

و رد غرامي و المثايل فدا لك

اسكن ف وسط القلب أو داخل الموق

أنا ذخيرك ف المحبة و ظلالك