كلمات طرزان

قلبي خذلني عتبت عقلي سكت  مده
لا مني حربت ولا استسلمت ولا قلبي قبل الهدنه
تعبنا صوتنا فـ شيء لا هيقدم ولا يأخر
الحزن احتل جسمي زي القدس صعب اتحرر
-
عقلي عتبك برر , نفس الاعزار تتكرر برضو
قالولي قلبك الاتي اتريه عواد و بايع ارضه
وانا معرفش , كل اللي اتبقي مني طفش
دا انا عشان الملم نفسي بحكي عنه كلام محصلش
-
كدبتني , كان قلبي حديد بس ليك يتني
دورت كتير ملقتش اجابه فـ قولي  , ليه سبتني!؟
ولا اقولك , ملوش لزوم  لقيتلك عزرك
مبين كل البشر ليه هتختار انسان يضرك!؟
-
وحشني حضنك ياللي الزمن وداك ودني
انا قلبي رجع اصلب مـ الاول وصعب تاني انحني
انا كنت بكدب موحشتني ولا عونت فكرك
بقي صعب يتمثل عليا انا دلوقتي بخرج
-
الدنيا غابه حولتكوا وحوش مفيش انسان
مكروه عشان مختلف و انا مختارتش اكون "طرزان"
وانا مش فنان ولا هدفي شهره دي موهبه
محدش اختار نفسه وانا مش راضي عن نفسي كده
-
متبوصليش بعين رضيه , لو ضحكت المراديه
حزنت الف مرا و مرا و ربك ادرا باللي فيا
و هي هي مختلفتش كتير عشان تحسدني
شوفتك فرحان فـ زعلي دعيت وقولت يارب زدني
-
كده ارتحت!؟ , انا اسف  يعني بس لو سمحت
مكنش قصدي زعلك خالص انا ضحكت عشان سرحت
فاللي عدا , سبني بس شويه و اهدا
انا مبقتش حابب احكي انا مبقتش حمل منهده
-
فـ متتغرش فـ ضحكي قلبي حزين لكني بشوش
بس اما بزعل ببقي شخص انا شخصياً معرفوش
طفحت الكوته  , انا اللي استحمل زعلي نوته
ده صحبي قالي في وشي محدش حب يسمع صوتك
-
واللي قالك راجع كان كداب متصدقوش
اللي ساب زي اللي مات الاتنين مبيرجعوش
لما ضحكت , كان من غلبي مكنش زعلي هين
كأن الجرح عيد و قلبي بالاحزان متزين
-
الدنيا غابه حولتكوا وحوش مفيش انسان
مكروه عشان مختلف و انا مختارتش اكون "طرزان"
وانا مش فنان ولا هدفي شهره دي موهبه
محدش اختار نفسه وانا مش راضي عن نفسي كده