كلمات اه يا جميل ياللي ناسيني

آه يا جميل يا اللي ناسيني
يا اللي بنار الهجر كاويني
اسمح في يوم يا جميل وراعيني يا عيني
من كتر شوقي إليك ما بنام

يا سلام عليك بتسوق في دلالك
والشوق وراك بيدوب في جمالك
امتا هشوف يا جميل مرسالك يا عيني
ده ها يبقا يوم ولا في الأحلام

لما رأيتك حبيت عيوني
وسْمِعت قلبك بيقول خُدوني
لعيون حبايبي اللي توِّهوني يا عيني
أًتُوه في سحرو واقول يا سلام

ليلي يا عين من اللي جرالي
والله ما كان كلِّ ده على بالي
حرام عليك يفضل كدة حالي يا عيني
كتر الأسية دي والله حرام

آه يا جميل يا اللي ناسيني
يا اللي بنار الهجر كاويني
اسمح في يوم يا جميل وراعيني يا عيني
من كتر شوقي إليك ما بنام