كلمات قربك المنوه
من نـهر دجلة ومن جسر الرصافه
يم نـجد الهاجـس الليلة سرابي
هاجسي مع نجد يا سرع انجرافه
جعـل يـسـقنه مراويـح السحابي
دار أهـلنا من على عصر الخلافه
مـا نزل فـيـها الـمجوسي والكتابي
ودار خلٍ بـيني وبينه مـسـافة
قربك المـنوه وفي بـعـده عـذابي
والله إني ما ألحق أشواقي حسافه
جعلها فدوة لو إنه ما درا بي
الـبداية جـت مـن باب اللقافة
ودي أمزح وأضحك وجود صوابي
ودي أمزح وأضحك وجود صوابي
معـطـب قـلبي هـذا والله الآفـة
غـروٍ مـهـايف وأنا ماني صحابي
وامتـلك قـلبي بـتكتـيك وحرافـه
دون حـبه مـا قـدرت أصـك بابـي
وقلت ركز مع حمد واخذ اعترافه
لا تحشد واترك الوضع انسيابي
مرحبا واقلط على قل الكلافه
مع جنابك مندفع حضرة جنابي
مع جنابك مندفع حضرة جنابي
والله إني لـو مـا أطيع الله واخافه
كان أخطـفـك يوم قلبي ما يهابي
يا قمر عقب الشهر حل انتصافه
ولا شمس الصبح من فوق الروابي
مـا دفـعني غـير زينك واخـتلافه
ناهيٍ مـا شـفـت مثله من شبابي
شفت زينٍ ما حدٍ في الكون شافه
وابتـلاني من بعدها وابتلا بي
الحـقـيـقة ما تـقارن بالخرافة
وأرد الماء غـيـر طـراد الـسرابي