كلمات قلبي عفا
✍️ كلمات: فاخر الخاطر
🎼 ألحان: خالد الزايد
قلبي عفا
رغم انه عانا من الجفا عفا
قلبي عفا
رغم الالم ويا الندم
ورغم انه في حبه انصدم حيل انصدم
ليش انه من طبعه الوفا عفا
قلبي عفا
مابي تجيني وتعتذر
قلبي عفا بس والسلام
مو قصدي حبنا يستمر
قصدي اختصر كثر الكلام
واللي انجرح في عزته
صعبه تتوقع ردته
مهما الليالي حدته
وما خلته يذوق المنام
ليش انه من طبعه الوفا عفا
قلبي عفا
جرح المشاعر مو سهل
ويبقى له في الخاطر مكان
حاولت اجرحك بالمثل
واحرم لياليك الامان
واللي المظاهر غرته
راح وتناسى عشرته
خله يتحمل غلطته
وياخذ من الدنيا الهوان
ليش انه من طبعه الوفا عفا
قلبي عفا