كلمات شيكايو

حاسب ياسطى
هدي ياسطى
هنموت ياسطى

بالصلاه ع النبي انا هحكيلكم حكايتنا الازليه
يادي الوكسه دي نفس الحادثه بتتعاد كل شويه
انا راكب اتوبيس مع ناس
مجانين وانا بينهم محتاس
ونازلين كوبري باخر سرعه
والسواق داخل على ترعه

شيكايو يا شيكايو
سواقنا ده مافيش زيه

والسواق مبسوط وبيضحك ومافيش حتى فرامل
كل ما اقول له هنغرق ياسطى ولا سامع ولا سائل
والركاب مقسومه نصين
واحنا ف وسطيهم مساكين
فيه ناس تطبل له وبتشجع
وناس بتدعي الاتوبيس يولع

شيكايو يا شيكايو
سواقنا ده مافيش زيه

ياباشا معاك بني ادمين
شيل رجلك من ع البنزين
يا باشا ما تخش شمال
هو انت ما عندكش عيال
ياسطى وحياه ابوك
انزل هنا ارجوك

وفي تلك اللحظه التاريخيه
واحنا بنبقلل في الميه
الحدوته خلصت يا عنيا
ونتقابل في الحادثه الجايه

ياللي ع الترعه حود ع المالح
احنا في الميه من ليله امبارح
سيد يا سيد في الخيبه نصبح ونبيت
ما تزغرطي يام فاروق
ابنك في الميه مزنوق
سواقنا ده مافيش زيه