كلمات على قد الشوق

على قد الشوق اللى فى عيوني يا جميل سلم سلم
انا يا ما عيوني عليك سالوني ويا ما بتالم
وبخاف لتصدق لوم الناس واحتار
اوصف للناس الجنة وانا فى النار
على قد الشوق اللى فى عيوني يا جميل سلم
الليل سهرته والنوم يا ريته كحل عينيا
واللي داريته قوام لقيته باين عليا
شبابي الغالي ضيعته اناجي فى الهوا اسمك
واملي لما صورته فى اجمل صورة كان رسمك
غالي علي وضي عيني ارحم عذابي معاك
على قد الشوق اللى فى عيوني يا جميل سلم
صابر وعمري ايامه تجري وناسي روحي
اللوم رضيته واللي جنيته سهدي وجروحي
شبابي الغالي ضيعته اناجي فى الهوى اسمك
واملي لما صورته فى اجمل صورة كان رسمك
غالي علي وضي عيني ارحم عذابي معاك
على قد الشوق اللى فى عيوني يا جميل سلم
دمعي شهودي جرح خدودي فى ليل سهادي
اكتم واخبي واخلص فى حبي صاين ودادي
شبابي الغالي ضيعته اناجي فى الهوا اسمك
واملي لما صورته فى اجمل صورة كان رسمك
غالي علي وضي عينيا ارحم عذابي معاك
على قد الشوق اللى فى عيوني يا جميل سلم