كلمات تفهق الليل
تفهق الليل .. وارخى هااامته للنهار
سلم وكرم واخذ بشته واخذ بندقه
جاني مجي الكبااار وراح روحة كبار
ليته ماخلا الاماني عقبه معلقه
وجداااه ياعيني اللي كن فيها شراار
عليك ياللي ماشفت اطول من معنقه
كنت احسبنك عمار الحب واثرك دمار
سرقت قلبي وانا قلبي محد يسررررقه
ماعاد ينفع عتاااب وكلمتين اعتذااار
على جريحً ولاه الشوق لين ارهقه
الخوف من ساعةً فيها تضيق الديار
لاراح حبل الرجاء كنه حبل مشنقه
خلاص ماعاد عندي صبر للانتظااار
ولعاد عندي على بعض الامور شفقه
عفت الطريق القديم وعفت ذاك المسار
وصديت عن شوف لوحاته وعن مفرقه
احفيت رجلي وانا قلبي على جال نااار
واتعبت قلبً كواه البعد لين احرقه
لاتحسب ان الجفا مكسب ورد اعتبار
حتى الشجر لاجفاه الماء يحت ورقه
ماعندي الا القراااار اللي ماغيره قرار
من غاب خله يغيب ورحله مووووفقه
الفقد فقد الثقه والنقص نقص الوقار
وان ضاع منك الوقار تضيع منك الثقه
مغنيني الله عن مخاطب عقول الصغار
وعن رفقة اللي على دربي لهم وندقه
منهاااجنا مع رفاقتنا مناهج حرااار
وعن زلة اقرب قريب يصير فينا صقه
فينا شموخً معدينا .. حدود المدار
يضفي على الكون من غربه ليا مشرقه
واليا دعتنا المواقف مع طوال العمار
لومك على اللي لاكبرت مايبش عرقه
وين انت ي اللي تسوق الدله ام البهار
الكيف الاشقر سقه والعود الازرق سقه
في حفل مسلط ذخاير معتلين المهار
اسم تولع بحب الطيب ليين عشقه
ماعاض فعل الحرار الا فروخ الحرار
كلً يورث فعل جده ويستلحقه
انتم عجب عين عودً مايعرف البوار
واسمه عجب والعجب فعله قبل منطقه
ريف الطرااااقي وبيته للنشاما مزااار
ماصك بابه .. وخلا للقفول حلقه
الراس الاصوك لو يدور الزمن مايدار
فعله هو اللي عن ضعاف النفوس فرقه
فعل ابن حراص في التاريخ مثل الشعار
ماهوب فعلً محرف في سطور ورقه
عاد السليس ارتبط بالعز والافتخااار
اسمً على قمة الطاله محد يسبقه
مجد النشاما ماهوب اللي يجي بختصار
مجدً يرفرف على روس القمم بيرقه
وسم العطاوي دليل العز والانتصار
كم طامعً كل ماشافه يروح مرقه
من دون حد الديار ودون سرد البكار
القوه الضاربه والسلطه المطلقه
متيهين الشناح الفاطر ام الحوار
ماهيب خنباً صغيرة راس ومدنقه
في ضفهم كن في روس العشاير شنار
في ارقابها طول عظم وفي السنام فهقه
دون امهات المراير يحرقون العقار
مع دربهم شلة السعيات مسترزقه
يوم الجهل ضربهم يحفي خشيب القصار
مامنهم اللي يخلي .. فالحزام فشقه
منجدلين العدا .. ومحكمين العيار
لاطار ستر الهنوف اللي ورا الاروقه
لا طنبت بالصياح وطوحت بالخمار
الحرب تدرج رحاها و العيال روقه