كلمات حصن الوطن

في بدايات الكلامُ اللي يعاد
سحرْ غامض لوُ تحاولْ مايعودْ

والكلام العذب  لو م الرد زاد
مايِمَلْ  وهلْ تمَلْ  أطيابْ عُودْ

ومنْ بذَلْ للنّايبِهْ  بيضْ الأيادْ
له رجَعْ فضل العَطا نَقصًِ وزودْ

واللِّيالي  في پياض وفي سواد
والأماني مثل أطفالِ  المهودُ

والفَضِلْ لأهلِهْ وترَىَ منْ جادْ سادْ
ذاكْ ثابتْ منْ بداياتِ الوجودْ

وكلّ بيتٍ لهْ  متى يرفُعْ عِمادْ
ومنْ رفَعْ بيتِ العِلا بعَزمهْ يسودْ

وأنا عنِدي لحَزّةْ الحَزِّهْ سناد
إسمه محمد ولي عنده عهود

الأمِرْ أمرَهْ  إلى يومْ المَعادْ
بأنّهْ الرَّايدْ  لدولتنا يقود

حصنها العالي المِوَثّق بالوكادْ
وظلِّها الباردْ  ولا يبغي شهود

نَهرَها البارد  كَرَمْ في كلِّ وادْ
وبَحرَها الزاخرْ  لذي مالهْ بلودْ

إن عطا كلمِه  فخِذها بالوكادْ
ثابتّهْ مادامُ  للدنيا وجودْ

وإنْ يحاربْ  يصبحْ  العادي رمادٌ
وإنْ يصالحُ  ما على عهودهْ يعودْ

فاهمْ الدنيا بجدّن وإجتهادْ
مدرسَةْ زايدْ ترىَ تخَرِّجْ إسودْ

وما يهمَّهْ  وش يقولْ أهلِ الفِسادْ
دومْ سيره  للأمامْ وفي صعودْ

ما يوَلَّىَ الأمرْ .من فكره جمادْ
دوم متردد  وعايش في جمود

قلت له يامن  عليك الإعتمادْ
لا يهمك لا عدو  ولا حسودْ
والعباد انواع معروفه العباد
حد سبع وحد ضبع وحد ذود

وأنا أدري  أن  لأفكارك مرادْ
فوق ما يظنون من فيهم جحودْ

والخزام للي به الدنيا تقادْ
ويا الحسام القاطع  وهو في الغمودْ
كل من عنده  عقل وإلا فوادْ
له الشرف عندك  يكون من الجنود

ما يهمك لو  كثر جيش الجرادْ
تحرقه شمس النهار ولا يعود

ولو اطبقت عند اللقا السبع الشدادْ
تمم للي بادينّه  بكل جودْ

وأمر دولتنا  إلى أمرك يعادْ
سوو لي شوفه صحيح بلا حدودْ

ودولتك مع رايتك  والإتحادْ
هو قدرنا وانته للدوله عمودْ

دام عزّك رييس لهذي البلاد
ودمت قايد في نعيم وفي سرور

مثل
خلينا البغيض يموت غيض
وييبس مثل  شن الليهباني