كلمات يا قلبي يا مجروح
✍️ كلمات: مأمون الشناوي
🎼 ألحان: فريد الأطرش
يا قلبي يا مجروح اصبر على المقسوم
باب السما مفتوح لدعوه المظلوم
ايام تجري
بربيع عمري
ايام تجري
بربيع عمري
وشكوى قلبي اليك ياربي
في القلب نار وجراح صابر عليها ازاي
ابكي على اللي راح والا على اللي جاي
كنا الهوى كنا الاحباب كنا الحياه
بعت الهنا بخداع كداب وجريت وراه
ولمين ابكي
ولمين احكي
ولمين ابكي
ولمين احكي
وشكوى قلبى اليك ياربي
تعال تعال
تعال نحيي احلامنا تعال اعطف على جروحي
ده لسه العمر قدامنا تعال بتناديك روحي
يادنيا بدموع عيني كتبتي قسمتي فيكي
يادنيا بدم قلبي الجريح الحنا فى ايديك
يادنيا ايه لسه عندك كمان هاتي اللي يرضيكي
تعال ياحياه قلبي نجدد حبنا الغالي
لاكان ذنبك ولا ذنبي جرى لك زي ما جرى لي
وجراح طالت
ودموع سالت
وجراح طالت
ودموع سالت
وشكوى قلبي اليك يا ربي