كلمات انا مين

كل يوم في دماغي الف فكره
استني النهار و اقول يمكن بكره
اكون انا

و امشي طرق كتيره اخرها سد
و انده باعلي صوتي مش لاقي اي حد
يقولي مين انا

و اروح اماكن روحتها ذكريات مش فاكر أصلها
حاجات بحاول أحسها و اوصلها

و اشوف حاجات حوليا ولا هي شبهي ولا هي ليا
و ارجع تاني نفس الطريق و احاول اعرف

انا انا مين

ملامحي و افكاري متلخبطين
ببص في المرايه معرفتش انا مين
اغمض عيني و ارجع سنين
و احاول افتكر

فتوه اكتر مني و ابعد عني
و أهرب من كل حاجه بترجعني
و اتجاهل نفسي و اتجاهل مشاعري

و اغمض عيني اكتر و اسال كمان
انا هنا ليه و في اي زمان
و بجري ليه و مستني ايه

مستني فرصه مستني بكره
الشمس تطلع و تنور العتمه
و افضل احاول احاول و اجرب
ف ابعد اكتر و افضل اتغرب

انا انا مين