كلمات وين انت يا غايب عنا

وين إنت يا غايب عنا
وش غيبك يا الغلا منا
القلب دونك ما يتهنا
ومن غيبتك يا بري حالي
مشتاق لك وأهتوي طاريك
والقلب من لهفته يبغيك
يا اللي سجايا العذوبة فيك
تعال وانشد عن أحوالي

تشتاق لك يا الغضي عيني
تشتاق لك باقي سنيني
حبك سكن يا الغلا فيني
ودايم طيوفك تهيأ لي

وأسمر الليل بطيوفك
وأضيع في روعة وصوفك
لبيه، لبيه يا شوفك
مرهف سجاياك يحلى لي
الوصل ما لاحت بروقه
والقلب في جرحته يشوقه
وين إنت ما تروي عروقه
وين إنت لا تقطع وصالي

تشتاق لك يا الغضي عيني
تشتاق لك باقي سنيني
حبك سكن يا الغلا فيني
ودايم طيوفك تهيأ لي

لا تقطع الوصل وأيامه
القلب يشكي من أحيامه
شد الهنا فيه بخيامه
يوم انقطع منك همالي
قربك هنا القلب وأفراحه
وإنت الدواء وبلسم جراحه
يا منتهى الحب والراحة
في عيني وقلبي الغالي
في عيني وقلبي الغالي

تشتاق لك يا الغضي عيني
تشتاق لك باقي سنيني
حبك سكن يا الغلا فيني
ودايم طيوفك تهيأ لي

أنت الغلا والهنا كله
وأنت اللي بالقلب تحتله
قلب على سجتك من له
ما هو بفي غيبتك سالي
الهم فيني من أسبابك
والشوق من سبة غيابك
يا ليت من غيبك جابك
قد كان ذا القلب متشالي
ما أرهفك يا الغلا وما أقساك
غرقان بك واجهله مرساك
لا هو بأنا قدرت أنساك
ولا هو بوصلك رحم حالي

تشتاق لك يا الغضي عيني
تشتاق لك باقي سنيني
حبك سكن يا الغلا فيني
ودايم طيوفك تهيأ لي