كلمات ويسكي

ماكنتش بعرف أحكي كنت بشتكي للورق فترات
ماكنش بينا طريق مقابلة كنت بسهر لك في الشات
وفرق بين جوابات وبين كلام ع لوح إزاز
امحدش عارف أنا عيطت كم مرة ومكتوب تمام
ماكنش في ظهري عيلة فاتسندت في صحاب فالصو
أول ما اتحطيت في أول عركة سابوني لوحدي وجريوا
فأنا اتعودت أكون لوحدي وما تسندش بحد
واتعلمت إنها كلها جدعان هتسيبني في وقت الجد

حبيت ملاك كانت جميلة والأيام بتغير
عيشنا جوة دماغي وبرة العالم كان لسه بيترندر
هي تعبت وأنا يتزهق مني إن جيت للحق
أظن كده خالصين يا بنت الناس بكفاية كسر في بعض
وأنا ابن أصول ما حيلتيش اللضا وكده بس جدع
ممكن أدي لك عينيّ بس هتسندني أما هقع
مش هتجمعنا صدفة الطيبون للطيبات
وأنا كان قلبي طيب جدا وإنتوا أوسخ خلق الله

مبلولة بـعياطه لما قالوا عليه يتيم في المدرسة
واللي يزعل أكثر من إنك لوحدك
إنك تتعب بس ما تلقى حد تبوح له حتى بتعبك
جبنا آخرنا، الدنيا باين زهقت منا
ما هو يا تغورنا في داهية يا تدفنونا مع زمايلنا
كنت نفسي في حضن بس مافيش أحضان كانت بتساعني
أنا كل اللي أذاني كلام كتمته فعشت أتأذي لوحدي

في صوت كمان ما سكتش صوت عازف ما سابش السوق
أنا حالي كل يوم بيسوء وشكلي مش هفوق مش كده
ما تفوقنيش عشان لو فوقت هكره نفسي
كانت الناس بتحب الناس وكنت لوحدي بحب أزايز ويسكي
كتبت إن أنا مضايق ع الحيطة اتصوروا معاها
كان كل اللي هاممهم ياخذوا بوست مش يسمعوا غنايا
حاربوني عشان نجحت في حاجة مش حاببها
لو هكون كويس بكرة اشبعوا بالشهرة وربك مش عايزها

ما تفرحيش إن أنا تعبان أنا هبقى كويس بكرة
هطلع ألمس نجم السماء بس إنت هتفضلي لسه وسخة
واللي اتباع  بمال قارون هيفضل إسمه اتباع
والناقص لو خذ كنوز الدنيا هيفضل برضو جعان
كل الناس سميعة مش كل اللي سمعك صاحبك
بكرة الهيلمان ده هيخلص وهتتفض وتبقى لوحدك
بلاش عشم وما تسبنيش عشان هوحشك
بكرة كل الناس هتحبك لما تموت فاصلة نقطة انتهى

مبلولة بـعياطه لما قالوا عليه يتيم في المدرسة
واللي يزعل أكثر من إنك لوحدك
إنك تتعب بس ما تلقى حد تبوح له حتى بتعبك
جبنا آخرنا، الدنيا باين زهقت منا
ماهو يا تغورنا في داهية يا تدفنونا مع زمايلنا
كنت نفسي في حضن بس مافيش أحضان كانت بتساعني
أنا كل اللي أذاني كلام كتمته فعشت أتأذى لوحدي