كلمات زهور الحب
✍️ كلمات: غياهيب ( فاطمة بنت راشد ال مكتوم )
🎼 ألحان: فايز السعيد
يالله بنا نرحل و نخالط الناس
ودي انور بالسعاده عيوني
نقطف زهور الحب في جو حساس
وانت معايا باللطافه حنونه
جو هبوبه بالرياحين نسناس
ما غير اعينه و الغلا شاغلوني
تبعد هموم القلب و الضيق و الباس
بسمات ثغر في الحلاوه فتوني
نبني حصانتنه على قوه الساس
روابط تنفي الحكي و الظنوني
الطيب لاهل الطيب بالود غراس
ريحان ورد يانعه في غصوني
خذني بشامخ ما عليه القدم داس
ما به سوى غير الزهر والمزوني
معك السعاده ما تقايس بمقياس
اخاف ما صدق واكذب عيوني