كلمات مرواح العصر

يازين مرواح العصر ليل الثنين
قبل الشفق لايغيب ظنّي بساعتين
ضوى علي الليل، ولا ابغي الكرى
ابغى اكتب أوّل بيت، واغنيه زين

ياراعي اللكزس تعدّيت الخطر
من بين جيان، الإمارات وقطر
كبّاس نورك، مثل برّاق سرى
برقٍ سبق صوت الصواعق والمطر

خرّج من البطحاء، وناوي له طريق
مر، وتعدّاني وعدّيته رفيق
كانّه مايدريبي وإن كانه درى
إمّا لابو سمره وكان إنّها بقيق

بالله ياسوّاقهم، خذني معك
لو ما معك مركب وراك وبتبعك
لا تتركون مولع الخافق ترى
له مدمعٍ ماهوب يشبه مدمعك

بالله عليك إن كان ماتبغي خوي
خفّف مسير الموتر المسرع شوي
يا حي عين اللّي مخاويكم ورى
ورمش العيون الناعسات المرتوي

معكم على ما قيل خوتكم شرف
قلبي تراه إمهايفٍ على الطرف
وده بخوتكم ولا يبغي زرى!
إن كأنّكم تبغون خوت معترف