كلمات آمنة وسالمة يالإمارات
آمنة يادار فيج الخير ساد
وسالمة من فضل خلاّق الوجود
دونج رجالٍ يعدّون العتاد
وعن حماج بكل ما تملك تذود
يا إمارات الوفا يا اجمل بلاد
خلّي منْج بغيضه يموت الحسود
وانتي للعيّال تدمين الكباد
يفتديج رجال شجعان و أُسود
والشيوخ اللي عليهم الاعتماد
لج بحال ومال يوفون العهود
للمقيم وللشعب عون و سناد
وانتي دار الخير و العالم شهود
لج دعانا يحفظج رب العباد
ياديار الخير و امجادج فـ زود
الغلا لج والمحبة في ازدياد
وباختصار الحب لج ماله حدود
وشيخج محمد غلاته في الفواد
أجوديّ لداره بروحه يجود
هو فخر داره وهو ذخر البلاد
والشعب تحت الأمر لجله جنود