كلمات مرني ليلة الاثنين

مرني ليله الاثنين مضنون عيني
مرني عقب ياس وعقب طول المغيبه
يوم شفته وقفت وقلت له يا ضنيني
ليه طول غيابك والتفارق مصيبه
ليت من شاهدك لو بالسنه مرتيني
مير شوفتك صارت يا حبيبي صعيبه
راح دور السنه ما شفت صافي الجبيني
اتمنى واهوجس واطلب الله يجيبه
وا حلالاه لو تمسك يمينه يميني
كود قلبي عقب ما فات يبرد لهيبه
يوم حال البطى والياس بينه وبيني
ماهقيت ان قلبي يهتني مع حبيبه
ماقدرت اوصله ولا حصل له يجيني
افترق شملي وشمل الغضي بالغصيبه
ياحبيبي ترى حبك بحرز مكيني
والموده خطيره تذبح اللي تصيبه
اثر جرح الهوى بالقلب لازم يبيني
وا عذاب المولع واقراده نصيبه
ليت صدري وسيع وليت قلبي متيني
ضرني بالموده لكن الله حسيبه