كلمات كان يا ما كان

أنا  تايه  في دوشه ف راسي مش مرتاح أنا ولا راضي اكشن ودراما في حياتي مش قادر اتخطي الماضي

فقدان الاحلام قاسي فات الأوان لإنقاذي.. قلبي مؤمن مش عاصي .. والسما علي علم بطلباتي

كانت احلامي بتودعني  والدنيا يوماتي بتوقعني وانا اكتر حاجه بتوجعني اني اتعشمت علي الفاضي

راح بسهوله كدا تعبي ولكن عادي وايه يعني من امتي بتمشي وترجعلي قال يعني جات عالمرادي

كان يا ما كان…  كان فيه انسان

كان عنده حياه…. كان ليه احلام

كان فنان .. كان غلبان

كان غرقان… عايش في الأوهام

واستنيت فرصه تناسب

مش بتجيلي علي مقاسي

والنحس كاتم علي أنفاسي

راح مني شغفي وإحساسي

وانا ف اصعب لحظات ضعفي  بقيت باهت بقيت مطفي

دماغي ساحت خلصت طاقتي .. سنين راحت وساء وضعي

وخدتني الدنيا بعيد كنت وحيد طول المشوار

مش دا اللي أنا كنت بتمناه ومكانش بإيدي اختار

ولسه فنفس النقطه .. وسايبها بظروفها

كانت قدامي بشوفها .. ومكنتش قادر أطولها

بس  أنا بنهار .. وطالع خسران

جوايا نار ..ليل ونهار

عايش في صراع ..أنا مش طماع

دايما في صداع .. دايما في  ضياع

أنا  تايه  في دوشه ف راسي مش مرتاح أنا ولا راضي اكشن ودراما في حياتي مش قادر اتخطي الماضي

فقدان الاحلام قاسي فات الأوان لإنقاذي.. قلبي مؤمن مش عاصي .. والسما علي علم بطلباتي