كلمات بيد الظما
✍️ كلمات: فهد بن غانم ال عبدالرحمن ال ثاني
🎼 ألحان: يوسف المهنا
لو الدموع بداخل الصدر تنساب
ما بانت الدمعة على جال عيني
لو هي تذرى بالجفن بين الاهداب
لبكي على ماضي و مقبل سنيني
شاب الخفوق وكاسي الوجه ما شاب
يامن عطى قلبي شلايا حنيني
سافرت في قلب من الفرح مذهاب
فيه الفيافي حدها ما يبين
ناديت يا بيد الضما يبس التراب
عيا الوسم ما عاد قلبي حزين
تصرخ هبوب الريح والليل مرعاب
برق وليل وخوف جرح مكين
والذيب يعوي طول الليل ما غاب
يا ذيب تكفى لا تجر الونين
يا من يسال ليه الحزن ويش الاسباب
محبوس سجاني وانا له سجين