كلمات بكره نفسى

‎عايش مُكتئب و تايه بين وشوش
‎لاقيتني زمان فـ صورة بضحك شكلي حد معرفوش
‎اتغير الزمن و راح
‎من جوايا طفل كان ميعرفش الجراح
‎كم الجراح تقل و الضهر يمكن اتكسر
‎عاشرنا ناس عامية القلب و البصر
‎مبيشوفوش ضحينا عملنا عشانهم ايه
‎ولا مرك قلبهم يحس باللي قلوبنا بتعانيه
‎انا لسه فاكر كُنّا ازاي فالبدايات
‎الحُب وهمك و اتفاجئت بـ قسوة النهايات
‎حُب عادي مات و الحلم ذكريات
‎ضحكة مش دايمة لـ ساعات و الحُزن سايب فيك علامات

‎و انت يعني كُنت عايز ايه؟
‎من امتى بنوصل للي بنحلم بيه
‎و انت جاي عشان نفتكر
‎قال يعني انت مسيت
‎منستش عشان حبيت فـ مش بسهولة اهد البيت
‎بس لما اتسألت عنها ضحكت و جوا مني انا خبيت
‎ياريت كُل يوم انا عيشت جنبك فيه
‎اقدر بسهولة ان من ذاكرتي امحيه

‎بكره نفسي بما بكتب تيجي سيرتك
‎بكره قلمي اللي غصب عايز يجي اسمك
‎بكره نفسي عشان حبيتك
‎بكره حُضني لما كانلك بيتك

‎اللقا خلاص بقى مستحيل مكانش بينّا يوم جميل
‎اخر فترة بعدنا يجي ١٠٠٠ ميل
‎سواد و عتمة جوا جوا منك
‎ابعديني اكتر عنك بعد اذنك
‎بـ شروخ القلب هحكي عنك للشروق وللنجوم
‎لـ صورة لينا فـ الالبوم و لحد آخر اليوم
‎بتكلم نفسك مجنون
‎زي النهاردة كُنّا و ماضي خلاص لازم تفوق
‎ساعات بتعدي قدام عينّا ذكرى بتخلينا مخن
‎توصل تكره نفسك لما فـ يوم قررت تحب
‎لما فـ يوم قررت تعيش
‎مين كان جنبك، للأسف طلع مفيش
‎في حاجات لأول مرة تحصل كانت معاكي
‎و اماكن كرهت اروحها لو مش هكون وياكي
‎شكل ضحكتي فـ غيابك باهتة بس بهدى
‎لما افتكر كلامنا كُل ليل و انا عالمخدة
‎كُنت جنبك كُل وقت فيه ضعفتي و احتاجتيني
‎لو حسيتي اني هبعد كُنتي فـ حُضنك هتلاقيني
‎كُل شئ جميل عملته فـ لحظة هتلاقيه اتنسى
‎و القلب لو عشق عادي بيستحمل الاذى

‎بكره نفسي لما بكتب تيجي سيرتك
‎بكره قلمي اللي غصب عايز يجي اسمك
‎بكره نفسي عشان حبيتك
‎بكره حُضني لما كانلك بيتك