كلمات شوفولي حل

صابني بعيونه و بسمة ثغر
انا اشهد انه يا ملا موت ٍ حمر
ويش اسوي دام لي قلب ٍ خضر
شوفولي حل ياهل الهوى شوفولي حل

من فوق رمشه تنظر بروق ورعود
و اهدابه النعسى يلي خر ٍ سجود
يا كنّهن امن الحلا صفة جنود
شوفولي حل ياهل الهوى شوفولي حل

ثغره حبيبي ماخذن لون الجمر
ووصف الثنايا كنّهن حص البحر
و لا من تخطى ع الثرا ينبت زهر
شوفولي حل يا اهل الهوى شوفولي حل

اغلا الجواهر من على جيده تذوب
و خصر ايتمايل كل ما هب الهبوب
والردف ضاقبه المخور كل صوب
شوفولي حل يا اهل الهوى شوفولي حل

ماله شبيهن منفرد بين البشر
و بين النجوم و ضيّها كنه قمر
محلا كلامه كنّه يسولف شعر
شوفولي حل ياهل الهوى شوفولي حل

غر ٍ عفر به م الحسن لفتة ظبي
اهو الدوى و هو المرام ومطلبي
شوفت عيونه كل ما زاد إتعبي
شوفولي حل ياهل الهوى شوفولي حل