كلمات غريب 3’reeb

نور القمر على البحر
المخ ذا عطلان من السهر
اعصاب تلفانه من القهر
مو قادر انسى اللي حصل

اكذب لو قلت انك مو على البال
ليش طول الوقت نتضارب كنا اطفال
مو فارق معايا مين راح ومين كان
فارق معايا وجودك الان

وانا ولا مرة قلت ولا مرة تكلمت عن اللي في قلبي
انتي ما تثقي في احد شايفة كل الناس ذي تحت ترا ذا مو ذنبي

وانا ليش ..
اشيل ليلة غيري
واسهر في ليلي
ذا على ايش

انا حفضل غارق
واقول مو فارق
ذا كلو ليه

تقلي محا استناك
هيا فارقة معاك ؟
انا لازم انساك
وانا اقول من غيري جا

وانا كل ما اشتاق ارجع واقرا ذا الشات
كل ما اشتاق اتذكر ليش ابا انساك
كل ما احس بضيقة افضفض في تراك
ولسا ما وصلت انا لحالة ادراك

وين اراضيكي كيف الاقيكي فاقد طريقي
معاكي حقيقي شايفك نصيبي بس انتي نسيتي

وانا صابر متحمل اقول في تغيير
لنك زي اللي في بالي من يوم انا صغير
اكذب على نفسي وامشي اللي يسير
طب ليش انا بجهد روحي في الاخير

ايش اللي حصل
اللي بينا مو بس اسبوع او شهر
كان بيدينا نكون اكثر من كذا
يد بيد شوارع جدة في المطر

بس انا كاتم ..
ومداري جواتي كثير
الكبت اللي فيني ما بيروح ويطير
على قد اللي في قلبي ما بتشوفني اطيح

قلت محا اسيب ورجعت غريب
قلنا حتزين وترجع تضيق
فيكي مريض وفي بحرك غريق
بس جاكي غيري اللي يدل الطريق

وانا لسا باقي تايه
سبتيني لحالي ضايع
في عقلي حتى وانا راقد
انتي السبب في اني بارد

لحظاتي السعيدة باصوات المزيكا
انقلبت وصارت قصة حزينة
كلو بيتلاشى تحت ظل الـ la vida
يا روحي انسيها النجم ضاع فيها

لسا فاكر ايام وسنين وسنين
صورتك في بالي باقية للحين
ادور بديلك مالك مثيل
ليش حاسة اللي بيننا كان قليل

وين اراضيكي كيف الاقيكي فاقد طريقي
معاكي حقيقي شايفك نصيبي بس انتي نسيتي

قلت محا اسيب ورجعت غريب
قلنا حتزين وترجع تضيق
فيكي مريض وفي بحرك غريق
بس جاكي غيري اللي يدل الطريق