كلمات الردي بع رفقته

الردي بع رفقته وانتبه لاتشتريه
سلعه في السوق ماربحت جلابها
عز نفسك عنه لو كان رزقه في يديه
لنعبوها لحيه ماتعز اشنابها

ابتعد عن ديرته لايجيك ولا تجيه
رفقه ماترفع الراس وش يبغابها
رافق اهل المدح والطيب بيضان الوجيه
الرجال اللي تعنا لمن يعنابها

يالليالي السود خوذي منه والا عطيه
اهل مكه يبخصون البلد وشعابها
والردي مايكسب الا العيوب لوالديه
ويتقنمص في في ثياب الملام وجابها

وان تكلم بينهم عارف قالو سفيه
واصبحت غبر الحصاني تحد انيابها
منهم يذكر عيوب العرب والعيب فيه
كل منا سمع له كلمه غنابها

(والعدو) لاضحك لك مره خلك نبيه
وانتبه من رميت فا الخفا ترمابها
واجب الرجال لاقال قول يحتميه
(الخطيه) مانبيها ولا نرضابها