كلمات الخطايا السبعة
اتحكمت فيها الشهوة و الشراهة الوضع اسوء
عينها عادى تحسد بس كسلت تطلع خطوة
غضب على شكل قسوة غرور فتبان اقوى
والجشع لغى المبدء هى دى الخطايا السبعة
الشنط اتحضرت كل حاجة جت بسرعة
صحى قالها انه مسافر المشاعر لا ترعى
بعثة فلوس و بحث لما اتعب ارتاح بكرا
و اخيرًا يجى دورنا و نعيش انا و انتى الشهرة
هى بتسمع منه تهز راسها مفيش رد مناسب
وانه كان يختار يفضل معاها اهم من المكاسب
ليه مقالش فوقت سابق ليه حساه مش متضايق
هو وجودى بقا مش فارق هو ليه اصلا يفارق
بعد مرور سنة و حبة اخباره اتقطعت فجاة
يدوبك شهر عدى وطلع باعتلها الورقة
ده ازاى الكلام ده محدش فينا بردو صدق
هو انا مش مناسبة ولا طرف مؤذى يغرق
بدات تتعود لما رجعت تانى لبيت اهلها
وليهم جار فدورهم عينه دايما على جسمها
مطلقة يعنى سهلة عينه دايمًا على وضعها
حاول يتقرب منها يفتح فكلام و يشوف ردها
كانت بتقول هتجوز تانى الحياة منتهتش
اخيرًا الدنيا ضحكت اخيرا قلعتلى الوش
اتقابلو و هما بياكلو نظراته ليها بقت تضايق
و فجاة الكل اختفى بالتدريج خلال دقايق
فيقرر ان يقرب يكسر حاجز انحصاراته
مش قادر تقاوم يبقا استمتع بمجرياته
من هنا الشهوة لعبت دورها غيرت مودها
فتقبل وضع يومها تقبل ان النار تطولها
بقت تقول اسهر برا اكفى احتياجى فترة
و المكان هو مرة و مكان غيره فتانى مرة
ده احنا يعنى كنا فجرة بس طلعنا برا
تقول انا بحالى ادرى فتلاقيها ليلة غابرة
بدات تنعزل و تزعل بدات تنكمش و تبعد
شراهة تزيذ مش بتفصل اعمل انتا مهما تعمل
شكلها اختلف الوزن زاد مبقتش لسه تعجب
فالسؤال اشمعنا انا عينها بدات تحسد
المقارنة ما بين شكلها وشكل اللى فسنها
مخلاش بردو عندها اى مجهود حتى اتبذل
كانت فاقدة الشغف سيطر عليها هى الكسل
ترفض اى كلام وقتها تغضب من اقل سبب
كانت بتبرر الافعال انه مش مهم اللى اتقال
فبدون اى انفعال غرورها جاهز لاستقبال
الكلام عمال على بطال ياما راحو هنا ابطال
كان وفاة الام اختار انه يحدث الاخبار
تفتح باب شقتها فتتفاجئ بوجود مرايتها
واحدة ست خلقتها نسخة من شقيقتها
ليها اخت تؤام كانت الچينات واحدة
فبكل ملامح حادة انتى عاوزة مين يا شابة
تجاهلت وضوح الشبه فصابها جنون الجشع
كانت ضريبة الطمع الكلام اللى اتقطع
املاك و فلوس امتنع لها الافصاح عن
العمل
بس كان الامل ف ايه ممكن كان يتعمل
عرفت مكان بيتها راحت تشوف تمن غلطتها
خبطت عليه بايدها و لسه ملحقتش تنزل
لقت جوزها فاتح ليها الباب ضغطها اللى ينزل
سكوت الزمن يقتل حلاوة الاخطاء تهبل
تفوق تلاقى بقها جوا ماسورة سلاح اختها
تستغرب فتقولها الذنوب متاحة كلها
تقل عن مجموع الخطايا السبعة او انتهى